سلام عليكم و رحمة الله و بركاته موقع شهيواتي لكل ما يهم المرأة المغربية يقدم لك سيدتي مشروب ساهل رخيص لزيادة معالم الأنوثة
جبت ليكوم مشروب لكل أنثى المكونات ديالو ساهلة و رخيصة واقتصادية
كيكبر المناطق الأنثوية والنتيجة تتبان من الأسبوع الأول
أنا كنت جربتو غير من راسي وبدات كتبان النتيجة من الأسبوع الأول و لكن مكملتش
جربوه بزاف تلبنات و عطاهوم نتائج مزيانة معروف بمشروب الأنوثة أو مشروب التداوير الأنثوية
المهم باختصار
المكونات و طريقة :
- الحلبة (تسناو عنداكوم تشوفو الحلبة وتهربو ههه )
- الكروية
- النافع
- حب الرشاد
- برددوش
- عرق سوس
- النعناع
كتاخدي الماء و كتديري فيه معلقة صغيرة من كل حاجة و كتديريه يغلي بحال أتاي و شربيه بالصحة على الأقل جوج كيسان كل نهار و ممكن تديري كمية كثيرة و تخليها فالثلاجة باش متعكزيش و متلقايش باش تديري السبة هه
الملاحظة:
لي عندها ضغط الدم مرتفع متديرش عرق سوس فالوصفة ، أنا ملي جربتها مدرتش هاد المكونات بالضبط أنا كنت كناخد ابريق ديال أتاي صغير كنعمرو بالماء و كندير فيه معلقة صغيرة من الحلبة و النافع و الكروية و شوية السانوج و حب الرشاد و عرقسوس و كندير السكر كيجي بحال أتاي وكنشرب بريق فالنهار و فعلا عطاني النتيجة من الأسبوع الأول وخا مكلتي متبدلاتش وليت كنشوف راسي كنتزاد و جاني العجب ههه لي بغات تجربها تزيد عليها الجنجلان تا هوزوين بزاف و الله تابغيتكوم تجربوها حيث زوينة و مزيانة لشحال من حاجة و كتفتح الشهية مزياانن و بالنسبة لريحة الحلبة راه متتكونش تينقص منها النعناع.