وصفات متنوعة مجلة الوصفات المتنوعة لكل ما يهم المرأة العربية
رغيفات مايزينة بطريقة أم أسامة مورقين بمنظر رائع ومذاق ولاااا أرووووع…وجديهم لفطور رمضان
المكونات:
- 500 غ دقيق
- بيضة
- نص كاس مخلط زبدة وزيت
- راس ملعقة خمارة حمرا
- ملعقة حليب نيدو ويلا ماكانش ماشي ضروري وملح
- مايزينا للتوراق
الطريقة:
تعجني العجينة بالماء ماقاسحة ماجارية إيلا بغيتي ديري ماء زهر ودلكيها شوية قسميها على 4 وخليها ترتاح نص ساعة وبداي التوراق شدي كرةالعجين الأولى وورقيها بالدلاك بمساعدة مايزينة و استعملي صفاية وديري فيها مايزينا ورشيها مزيان وطويهاعلى 2 من بعد عاودي دلكيها بالدلاك حتى تولي رقيقة هاكا كاتكون فيها 2 طبقات وغتجيك موررررقة ملي طلقيها مزيان رشي بمايزينة ولوي بحل شكل الرولي ولسقي النهاية ديالو بالدقيق مخلط مع الماء من بعد ماتكملي الكرات الأربع تقطعي وطلقي كل حبة بالطول ونتي كاترشي دائما بالمايزينةحتى تكملي الحبات كاملين وتبداي أصعب مرحلة القلي ديري طنجرة صغيرة وعمريها بالزيت و خليها تسخن ضروري الزيت ماتكونش سخونة بزاف كاتلوحي أول حبة وتسنايها طلع الفوق ثواني تقلبيها جهة الأخرى وبمساعدة 2 فورشيطات تقلبيها على الجنب وهي كاتبدا تحل بالزيت ونتي كاتساعديها باش تجيك بحال الوردة وملي تسخن الزين بزاف كاتنقصي مزيان حيت إيلا سخنات الحبة كاتيبس قبل ماتحل وملي تحمر حطيها في الشبكة تقطر حتى تسالي رشي الرغيفات بالعسل واللوز ولا لكاوكاو ويلا بغيتي خليهوم هاكاك المهم راهم كايجيو رائعين وهشاش وبحال لابات فويتي وأحسن وكايخرجو كمية كبيرة سمحولي ماقدرتش نصور جميع المراحل أمانة لي عجباتها الوصفة دعيوة لي الله يفرجها علي ولأخي الله ينور طريقو ويفرج همه
