طارط فروي لذيذة تبع طريقة ديالي غادي تحصل على نتيجة جميلة هاهي وصفة جربوها سهلة جدا عجينة صابلي مع كريم باتسري بنسبة لي فروي إختيار كيبقى ليك فقط لي تدكير من ندير عجينة صابلي في مول ضروري نأخد حمص او بابي ألمنيوم فوق عجينة او نصب حمص عاد ندخلها فران باش طيب ليا على خاطرها او متقطعش ليا عجينة هادا هو دور ديال اليمنيوم او حمص بنسبة مول نديرو كبير باش تجيني طارط عامرة او مقادة على حقها او طريقها تجي زوينة

2بيضات

250غرام سكر كلاصي

500غرام دقيق

250غرام زبدة مارغارين

نأخد ألة عجينة نصب فيها زبدة و سكر كلاصي نخليهم يدورو مزيان حتى يتخدمو مزيان ثم نصب بيضة بي بيضة ثم في أخير نصب دقيق نخلي حتى يتجمع خليط أو هاهي عجينة صابلي نخليها ترتاح مدة 60 دقيقة بيما وجدت كريم موسلين ديالي باش غادي نعمر طارط ديالي

نصف لتر حليب

80 غرام بودر كريم

4بيضات

120 غرام سنيدة

ساشي ديال إيديال فاني

100غرام زبدة

نأخد كسرونة نصب فيها حليب او شوية سنيدة نديرهم فوق بوطة يغلاو ثم نأخد كسرونة نصب فيها بيض او سنيدة او بودر كريم او ساشي ديال فاني نخلط مقادير مزيان بي خلاط يدوي مزيان نصب شوية حليب لي غلاى لينا هو سنيدة فوق مقادير ديالنا ثم نصب كل في كسرونة لي فيها حليب او سنيدة نحرك بي خلاط يدوي مزيان حتى تعقاد لينا كريمة ديالنا مني طيب كريمة ديالنا نسكن بوطة او نديرها في ثلاجة تبرد مدة 60دقيقة مني تبرد نخرجها نصب فوقها زبدة او نطحنها باش تولي لينا كريمة ديالنا ليست او رطبة

نسرح عجينة مزيان عجينة ديالي نقادها في مول ندخلها فران 160 درجة مني طيب نخرجها تبرد او نعمرها كريمة موسلين او نزوقهم بي فروي لي عندكم فريز او فرومبواز نذهنهم بي ناباج بصحة او راحة نتمنى تكون وصفة عجبتكم متنساوش جيم بارطاجي باش يوصلكم جديد ديالي وشكرا