موقع شهيواتي يقدم لكم: كراتان الخضرلذيذ كنتمنى اعجبكم انا بعدى كيحمقني بنييييييييييين هههه
المقادير فلفلة حمرا مقطعة مربعات خيزو محكؤك/نسيت مدرتلكم خيزو ف صورة دلمقادير ههههه زربة ومدير/ و بطاطا مقطعة دواور كفتة ابزار ملح زيت زيتون ساشي بشاميل حليب
الطريقة:
اولا كنوجدو صوص بساميل انا درت غير صوص دساشي حيت معنديش لوقت خلتها مع حليب بارد و طيبتها 5دقاية مع تحراك كنسلقو بطاطا نص صلقة مع شوية دلملح
.
كنشدو لخضر ديالنا كنديروها مع لكفتة لعطرية وزيت زيتون كنشحرو كلشي مزيان
.
فلاطة دلفران كنكبو شوية دبيشاميل عاد نستفو بطاطا مصلوقة كنغطيوها بخليط كفتة و لخضر
و كنكبو عاوتاني صوص بشاميل و كنكملو كنليو كرتان ديالنا بطبقة دلكفتا و كنسقيوها مزيان ببشاميل بش متحرقش لكفتة
وندخلوها لفران مدة ساعة قبل متوجد بواد عشرة دقايق كندردرو فوقها فرماج محكوك و بالصحة و الراحة
و كجاكم كرتان؟